Biras

Ruvkedoaimmat ja málmma buhtisteapmi čuohcá luonddubirrasii. Go dan dadjat, de lasihit ahte mii beaivválaččat bargat garrasit dan badjelii ahte váikkuhusat bisoše nu unnin go vejolaš. Dás ovddasguvlui lea lunddolaš juohkit váikkuhusaid čuovvovaš málliide.

Váikkuhusat nannámii

Nannáma dáfus guoskkahuvvo dat eanan gosa dahkkojit visttit ja geainnut, oinnolaš ruvkket, tunneallat eananvuole rusttegiidda, ja geađgebázahusat.

Nussir sávvá sáhttit geavahit eanemus lági mielde dálá visttiid ja geainnuid, vai ii dárbbaš hukset ođđasiid.

Nussir áigu doalahit ruvkedoaimmaid eatnama vuolde vai eai gártta nu olu geađgebázahusat rádjat. De eai ge dárbbaš boltut rabas ruvkkiid.

Váikkuhusat merrii

Doaimmat váikkuhivčče Riehpovutnii, mii lea málbmaproseassabáikki lahka. Man muddui dat váikkuhivčče, vuolgá olu das mot bázahusaid gurrema lobi ohcamiin manná.

Nussir áigu geavahit dakkár teknologiija mas mearačáhci seaguhuvvo bázahusaide ovdal go dat bumpejuvvojit juste dan báikái gosa bázahusaid rádjet. Go mearačázi seaguha bázahusaide, de minerálasáttu vuodju mearabodnái ii ge govddit ja seahkán mearačáhcái. Nu eastadit fiinnapartihkkaliid leavvamis ja bázahusaid hádjáneamis.

Váikkuhusat áibmui

Hui dábálaš váttisvuođat leat go kemikálalaš partihkkalat nuoskkidit áimmu, ja go ruvkedoaimma, luottaid ja proseassaráhkkanusaid partihkkalat loktanit ja bieđganit miehtá.

Nussir áigu atnit dakkár vuogi mas gásat eai báljo nuoskkit obage. Mii áigut maiddái ásahit proseassabiergasiid aivve visttiide, ja eastadit filtariiguin goikeproseassaid gavjjaid. Hevrro mii loktana luottain ja ruvkedoaimmain sáhttá obbalaččat eastadit čáziin ja sáltemiin, dat vuolgá das man stuora hehttehusaid dat daguha. Lea dehálaš čađat iskkadit ja mihtidit gavjjaid mearriduvvon báikkiin dán guovllus.

Rigearra

Dát lea rigearra ruvkerusttegiin, guorbmebiillain, earái fievrruin ja go bávkkuhit bávttiid.

Nu go ovdal leat namuhan, de ráhkaduvvo ruvkerusttet visttiid sisa vai rigearra muosehuhttá unnimus lági mielde.

Guorbmebiillat maid atnit ruvkedoaimmas, galget ođđamállet fievrrut maidda gollá unnit boaldámuš ja main ii leat nu garra mohtorjurra.

Bávkkuhit áigut eanas eatnama vuolde, ja danne dat ii gullo, dušše eana doarggista veaháš.

Estehtalaččat

Buot visttit ja luottat maid dahkat šaddet dakkaviđe oainnusin Nussira ruvkeguovllus. Danne mii geahččalit oažžut ávkki dálá visttiin ja luottain nu ollu go vejolaš.

 

© 2012-2019 NUSSIR ASA    ALL RIGHTS RESERVED    PRIVACY POLICY    DISCLAIMERsjursendesign.no 2012