Suddadeapmi ja raffineren

Suddadanbádji

Suddadanbájit atnet kemalaš redukšuvdnaproseassa go galget dahkat veaikki dan suhkkes málmmas mii boahtá minerálaproseassas. Suddadanproseassa dahkko ommanis mas lea badjel 1000 ° C báhkas. Dán lágan prosessii adno dasalassin vel redukšuvdnaávnnas, dábálaččat karbuvdna, vai málmma oksidašuvnnalohku unnu.

Molten Copper in ChileKarbuvdna suhppe rišša eret málmmas, muhto go eanas málmmain leat eará durddit, de fertejit maiddái atnit juogalágan fluksa (omd. ruovdeoksiidda) vai dat árvvohis minerálat šaddet gožun mii galgá eret. Gožu govddida  čáhcegierragii eanas bázahusaiguin, ja ávkemetálla darvána sulfiidamáthttái. De váldet gožu eret ja bidjet máhtá guovttegeardásaš oksidašuvdnii, ruovdeoksidašuvdnii ja veaikeoksidašuvdnii. Loahppaboađus gohčoduvvo veaikeánodan, ja das lea su. 95% veaikemetálla.

Raffineriija

Veaikeánoda fievrreduvvo raffineriijai gos dábálaččat atnet elektrolyseproseassa mainna buhtistit veaikki ain eanet. Elektrolysii atnet juogo veaikepláhta dehe stállepláhta anodan, ja ráinnas asehis veaikepláhta katodan. Proseassa lea dávjá  suvrris mii lea dahkkon veaikesulfáhtas. Go bidjet elrávnnji dan prosessii, de luovvana veaiki anodas ja darvána katodii, ja bázahusat báhcet sulfahttaseaguhussii. Loahpalaš buvtta das lea dábálaččat birrasiid 99,99%  čielga veaiki man sáhttet vuovdit.


 

© 2012-2019 NUSSIR ASA    ALL RIGHTS RESERVED    PRIVACY POLICY    DISCLAIMERsjursendesign.no 2012