Veaikki sirren

Mot veaikesisdoallu lassána

Sirren lea oassi minerálaid prosesseremis. Veaikemálmmas lea dábálaččat 0.5-2.00 %  veaiki, dál gaskamearálaččat 0,6% proseanta. Veaikeminerála čuovuha eará elemeanttaid ja danne leat dat 2%  dan málmmas mii váldo proseassarusttegiidda. Loahppa 98% málmmas leat bázahusminerálat, ja sirrenrusttet galgá suhppet daid eret vai veaikečuovuheaddji minerálaid oassi lassánivččii nu olu go vejolaš. Vaikko veaikebuvttadeaddjit čađat geahččalit ge vuovdalit bázahusminerálaid, dávjá silikahtaid ja oksiiddaid, de lea dain nu unnán árvu ahte sii eai jođit daid.

Vuosttaš oassi veaikki sirremis lea mollen. Dábálaččat leat málmma veaikeminerálat čuoggarat mat leat vissis sturrodagas. Danne fertejit mollet málmma jáffun vai sáhttet sirret eret veaikeminerálačuoggariid. Čuoggarat sáhttet leat dušše mikromehtera stuoru. Mađi unnibut čuoggarat, dađi váddáseabbo lea geavahit málmma.

Nubbi oassi dán doaimmas lea sirret suhppejuvvon málmma bázahusain, ja dasa atnet minerálasirrenbiergasiid. Dábálaš sirrenteknihkat leat:

  • Lossodatsirren (geavahit dan go veaikeminerálat dávjá leat losibut go eará geađgeminerálat, muhto dán vuogi geavahit eanas stuora čielgaveaikehivvodagaide) 
  • Lutken (metallurgalaš proseassa mas lutkejit veaikki suvrái, ja de maŋŋil fas čohkkejit veaikki)
  • Flotašuvdna (dán proseassas sirrejit veaikeminerálaid ja bázahusminerálaid kemikálaiguin mat darvvihit áimmu veaikeminerálaide, ja nu govddidit veaikeminerálat soktan proseassagámmára čáhcegierragii, ja das sáhttet daid váldit).

Guđemučča dáin vugiin geavahit vuolgá das makkár minerálat málmmas leat, ja soames eará rievddadeaddji eavttuin.

 

© 2012-2019 NUSSIR ASA    ALL RIGHTS RESERVED    PRIVACY POLICY    DISCLAIMERsjursendesign.no 2012