Veaikemárkanat

Mot ja gos veaikki vuvdet ja ostet

Veaike metálla márkanat

Riikkaidgaskasaš veaikemárkanat leat vuođđuduvvon golmma metállamárkaniidda máilmmis:

  • London Metal Exchange (LME)
  • Shanghai Futures Exchange (SHFE)
  • Commodity Exhange Inc (COMEX) oassin New York Mercantile Exchange:s (NYMEX)

LME lea stuorámus dáin. Juohke metállagávpebörša gullá iešguđetge gálvorádjui, LME copper inventory, Shanghai copper inventory ja COMEX copper inventory, mat dađistaga addet ođđaseamos dieđuid. Maiddái das lea LME rádju stuorát go duon guovtti eará rádju.

Veaikečoahki márkan

Jos galgá ipmirdit veaikečoahki vuovdima, de ferte ipmirdit makkár doaibma iešguđetge oastis lea. Veaikečoahki oastit leat suddadanbájit ja raffineriijat.

Dan ostet dađi mielde man olu veaiki das lea. Jos das lea olu golli ja silba, de ožžot vel buoret hatti.

Veaikečoahki buvttadeaddjit vuvdet suddadanbájiide ja raffineriijaide veaikečoahkkebulvariid main dábálaččat lea 24 - 40% veaikemetálla. Gaskamearálaččat vuvdojuvvo čoahkki mas lea birrasiid 27% veaiki. Juohke šiehtadusas gaskal vuovdi ja suddadanbáji lea sierra formel, muhto obbalaččat leat eavttut ná:

Suddadanbádji máksá buvttadeaddjái hui áinnas 96-97% metálla árvvus metállačoahki sisdoalu mielde ja dan vuođul mot gaskamearálaš haddi šaddá man gohčodit Fálaldat mas gessojuvvo eret:

  • Gieđahallangolut ("TCs" eŋgelasgielas Treatment Charges) ja
  • Raffinerengolut  ("RCs" eŋgelasgielas Refining Charges)

TCs golut biddjojit $ mielde juohke tonna veaikečohkkái man leat gieđahallan ja RCs golut ovtta centa juohke metállapunddas man leat raffineren. Suddadeami/raffinereme hattit rievddadit gávpemárkana mielde, muhto dávjá lea dat čadnon jahkásaš šiehtadusa mielde.
Hui áinnas hattit leat biddjon tabellii dás vuolábealde:

Veaiki TCs/RCs TCs (USD/MT) RCs (Cents/pound)
2010 46.5 4.65
2011 60-80 6-8
2012 63.5* 6.35*

*Árvvoštallon 2012-logut

Lassimetállaide nu go gollis ja silbbas leat sierra raffinerengolut. Dasalassin gáibidit suddadanbájit ja raffineriijat ahte metállačoahkis eai galgga eanet durddit go njuolggadusat mearridit (omd. arsen, mii ii leat Nussira málmmas). Dát mearit eat leat ovttaláganat buot suddadanbájiin.

Danne go sis lea hui buhtis veaikečoahkki, de Nussir ii vuordde ráŋggáštuvvot.

Jos metállačoahki vuovdi ii ollašuhte njuolggadusaid eavttuid, de sáhttá geavahit ekonomalaš sankšuvnnaid sin vuostá. Ovdal go čoahkki fievrreduvvo suddadanbádjái, de rehkenasto man ollu lea vuovdinmetálla, man ollu lávttas ja durddit leat dan guorpmis. Jos buvttadeaddji ja oasti eaba leat ovttaoaivilis suokkardanbohtosiid dáfus, de dábálaččat mearrida dan ášši olggobeale olmmoš dehe ásahus.  

Veaikečoahki gávppašeami áigodat

Čoahki buvttadeaddji ja suddadanbáji gaskasaš haddefállan, gaskaboddosaš máksin ja loahpalaš máksin dáhpáhuvvá dábálaččat ná:

Veaikečoahki buvttadeapmi DOS - 1 til 2 mánu
Veaikečoahkki fievrreduvvo suddadanbádjái  (Date of Shipment - DOS) DOS
Gaskaboddosaš máksu suddadanbájis* DOS + 1 mánu
Fállanáigodat (haddemearrideami maŋemus mánnu)** DOS + 4 mánu
Olggobeale ásahus mearrida hatti jos dárbu DOS + 5 mánu
Loahpalaš máksin DOS + 6 mánu

* Vuođđuduvvo rievddadeaddji hattiid vuođul ja 90% árvvoštallon metállasisdoalus
** Dábálaččat metálla gaskamearálaš börššahaddi fálaldatmánus

Danne go lea muttu mielde guhkes áigi dan rájes go veaikečoahkki sáddejuvvo dássážii go dat mákso loahpalaččat, de lea eanas čoahkkebuvttadeddjiin vissis bargokapitála oassin dán doaimmas.  

Nussira veaikečoahkkemárkan

Veaikečoahkki man Nussir ASA buvttada, šaddá várra sáddejuvvot 5-10 geardde jagis, dan mielde man guhkkin oasti lea ja maid dat sávvá. Lea vuos árrat dadjat gosa čoahkki šaddá sáddejuvvot, muhto veaikesuddadanbájit gávdnojit ollu riikkain ja guovlluin máilmmis. Eatnasat dain suddadit ja raffinerejit dušše iežaset ruvkkiid buktagiid, dušše moattis ostet veaikečoahki márkaniin. 



 

© 2012-2019 NUSSIR ASA    ALL RIGHTS RESERVED    PRIVACY POLICY    DISCLAIMERsjursendesign.no 2012